2016 jylǵy 22 qańtar, Astana qalasy
«Qazaqstan Respýblıkasynda temirjol kóliginde jol júrý qujattaryn (bıletterdi)
satýdy uıymdastyrý qaǵıdalaryn bekitý týraly» Qazaqstan Respýblıkasy Kólik jáne kommýnıkasııa mınıstriniń 2013 jylǵy 23 qyrkúıektegi № 742 buıryǵyna
tolyqtyrýlar engizý týraly
«Temirjol kóligi týraly» 2001 jylǵy 8 jeltoqsandaǵy Qazaqstan Respýblıkasy Zańynyń 14-baby 2-tarmaǵynyń 26-1) tarmaqshasyna sáıkes buıyramyn:
1. «Qazaqstan Respýblıkasynda temirjol kóliginde jol júrý qujattaryn (bıletterdi) satýdy uıymdastyrý qaǵıdalaryn bekitý týraly» Qazaqstan Respýblıkasy Kólik jáne kommýnıkasııa mınıstriniń 2013 jylǵy 23 qyrkúıektegi №742 buıryǵyna (Normatıvtik quqyqtyq aktilerdi memlekettik tirkeý tizbesinde № 8853 bolyp tirkelgen, 2013 jylǵy 29 qarashada «Ádilet» aqparattyq-quqyqtyq júıesinde jarııalanǵan) mynadaı tolyqtyrýlar engizilsin:
kórsetilgen buıryqpen bekitilgen Qazaqstan Respýblıkasynda temir jol kóliginde jol júrý qujattaryn (bıletterdi) satýdy uıymdastyrý qaǵıdalarynda:
mynadaı mazmundaǵy 3-1-tarmaqpen tolyqtyrylsyn:
«3-1. Tasymaldaýshylar jol júrý qujattaryn (bıletterdi) satýdy jasasqan aqysyz sharttar negizinde jolaýshy agenttikteriniń bılet kassalary arqyly uıymdastyra alady.»;
mynadaı mazmundaǵy 37-tarmaqpen tolyqtyrylsyn:
«37. Jol júrý qujattaryn (bıletterdi) ınternet-resýrstarda satýda poezdyń sapaly sıpattamalar týraly ózekti aqparat, onyń ishinde mynalar týraly aqparat usynylady:
vagondardyń shyǵarylǵan jyly;
aýa jeldetý júıesiniń bolýy;
poezdyń sanaty;
jolaýshylardyń qoǵamdyq tamaqtaný pýnktteriniń bolýy;
bagaj bólimderi;
ıntererdiń jaı-kúıi (fotomaterıal arqyly);
poezdaǵy jolaýshylarǵa usynylatyn qosymsha kórsetiletin qyzmetter.».
2. Qazaqstan Respýblıkasy Investısııalar jáne damý mınıstrliginiń Kólik komıteti (Á.A. Asavbaev):
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde, sondaı-aq Qazaqstan Respýblıkasynyń normatıvtik-quqyqtyq aktileriniń etalondyq baqylaý bankine engizý úshin Respýblıkalyq quqyqtyq aqparat ortalyǵyna resmı jarııalaýǵa onyń kóshirmelerin baspa jáne elektrondy túrde jiberýdi;
3) osy buıryqtyń Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Investısııalar jáne damý mınıstrliginiń Zań departamentine osy buıryqtyń 2-tarmaǵynyń 1), 2) jáne 3) tarmaqshalarymen kózdelgen is-sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin.
4. Osy buıryq onyń alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Investısııalar jáne damý mınıstri Á.ISEKEShEV
«KELISILDI»
Qazaqstan Respýblıkasynyń Qarjy mınıstri
________________B.Sultanov
2016 jylǵy «22» aqpan
Buıryq Qazaqstan Respýblıkasynyń Ádilet mınıstrliginde 2016 jylǵy 24 naýryzda Normatıvtik quqyqtyq kesimderdi memlekettik tirkeýdiń tizilimine №13520 bolyp engizildi.